Një 19-vjeçar është arrestuar pasi i grabiti me dhunë 400 euro punonjësit të një lavazhi në Sarandë.
Sipas policisë, nga veprimet hetimore dyshohet se i riu më datë 31 dhjetor 2024, i ka vjedhur me dhunë shumën prej 400 eurosh një punonjësi lavazhi në lagjen nr. 3, Sarandë.
Njoftimi i policisë:
I vodhi me dhunë 400 euro punonjësit të një lavazhi, kapet dhe ndalohet 19-vjeçari.
Shërbimet e Komisariatit të Policisë Sarandë, në vijim të punës për parandalimin e vjedhjeve, zbardhjen e rasteve të ndodhura dhe vënien e autorëve përpara përgjegjësisë ligjore, organizuan punën për identifikimin dhe ndalimin e autorit të një rasti të vjedhjes me dhunë në qytetin e Sarandës.
Si rezultat, u bë i mundur ndalimi i shtetasit:
I. A., 19 vjeç, banues në Sarandë.
Nga veprimet hetimore dyshohet se ky shtetas, por më datë 31.12.2024, në lagjen nr. 3, Sarandë, i ka vjedhur me dhunë shumën prej 400 eurosh një punonjësi lavazhi. Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
Discussion about this post