Një shqiptar u vu në pranga 9 vite pas sulmit me acid në fytyrë të një avokati grek. Demir Papa akuzohet se ka tentuar të vrasë avokatin Paulos Sarakis.
Kohët e fundit, Demiri është kthyer në Greqi, ku sipas mediave gjatë arratisë kishte jetuar në Shqipëri, që nga dhjetori i vitit 2007 kur sulmoi me acid avokatin grek.
Por si ka mundur t’i shpëtojë arrestimit shqiptari?
Sipas mediave greke ai përdorete 15 emra. Demir Papa, Demir Grabova, Demir Papai, Demir Ekimi, Lalaj Prapaj, ose Noti, Arben, Orges, Orkes, Jorgo, Jani, Erion apo Mario, janë emrat që ka përdorur ai
Pas arrestimit të shqiptarit, avokati grek tha për gazetën “Protothema” se, ky është një rast që do hetim të thelluiar dhe sipas tij, pas shqiptarit fshihen persona të tjera që duan ekzekutimin e tij.
“Është një rast që kërkon hetime të mëtejshme. Përveç autorëve ekzistues, unë besoj se ka edhe persona të tjerë që dhanë urdhrin për kontratën e vdekjes. Është detyrë e drejtësisë të hetojë plotësisht këtë çështje dhe të zbulojnë të gjitha palët e përfshira në këtë krim barbar kundër meje”.
Avokati Paulos Sarakis u tentua të vritej në vitin 2007 në lagjen “Neos Kosmos” të Athinës. Atij iu hodh acid në fytyrë nga autorët, por mundi të shpëtonte.
