“I ka dhënë listën nga duhet ta nisë”, Strazimiri flet për krijimin e SPAK: Gjendja është alarmante, dilni dhe bjeruni këtyre njerëzve!

Ish-deputeti i Partisë Demokratike Gent Strazimiri ishte i ftuar në studion e lajmeve në Fax Neës, ku foli në lidhje me krijimin e Strukturës së Posaçme Anti-Korrupsion si dhe zgjedhjen e kreut të saj.

Strazimiri u shpreh se në krye të kësaj strukture është zgjedhur një persekutor që ka dhënë dënim për njërëz që kanë qenë kundër moralit komunist.

Madje ai shtoi se këto që drejtojnë sot po i japin urdhëra drejtësisë dhe madje po u tregojnë edhe nga ta fillojnë hetimin, duke i dhënë listën.

Sipas tij partia që drejton sot në pushtet është, me bijtë e Partisë Komuniste dhe se të rinjtë duhet sot më shumë se kurrë duhet të reagojnë, pavarësisht bidnjeve politike për ti thënë ndal këtij regjimi.

“Kreu i SPAK, Arben Kraja rezulton që është një ish-persekutor për të cilin unë mendoj se nuk do të kishte më dilema për shoqërinë. Persekutorët nuk mund të japin drejtësi. Tu kërkosh shqiptarëve të kenë besueshmëri me persekutorë të vjetër është e pamundur. Kjo shoqëri duhet të reagojë sot.

Në Shqipëri akoma sot drejtohesh nga e njëjta parti që ka ndërruar vetëm emrin dhe merr persekutorët e Enver Hoxhës. Në qeveri promovon fëmijet e anëtarëve të Partisë Komuniste.

Ne jemi një vend që e kemi paguar shumë shtrenjtë dhe ne nuk duhet të heshtim. Ka vrarë shumë gra dhe fëmijë Enver Hoxha. Ne kemi harruar, fëmijët dhe gratë që kanë vdekur nga uria, nga i ftohti,  i kanë vrarë prindërit e atyre që janë në pushtet sot. Të gjithë këto që janë në pushtet janë shkaktarë të vrasjeve në kampe si Kampi i Tepelenës. Duhet tu themi jo këtyre.

Kjo shoqëri i ka luftuar këto beteja, por ka mbetur e vetme. PD ka qenë shumë hapa më shumë se shoqëria. Sot duhet që të rinjtë të merren me politikë dhe jo të largohen nga fusha. Këto kanë njerëzit e tyre, zyrtarisht dhe publikisht japin urdhëra, dhe i japin urdhëra drejtësisë. Ku drejtësia duhet të jetë e pavaruar. Ai ka arrestuar njerëz që janë kundër ‘moralit komunist’! Nga kjo pikpamje gjendja është alarmante. I ka dhënë listën se nga duhet ta nisë, kujt drejtësisë së pavarur!

Kraja ka dalë një dokument, e vërteta e nxjerrë nga dokumentat e regjimit që sot drejtojnë. Kjo strukturë ka lindur e vdekur në besushmërinë e saj.

Dilni dhe bjeruni këtyre njerëzve! Nëse të gjithë e bëjnë këtë punë. Merruni me politikë. Të gjithë sipas bindjeve të veta në emër të dinjitetit njerëzor. Duke kur të gjithë po vrasim të ardhmen e këtij vendi. Nëse një gjë nuk shkon mirë të gjithë duhet të merremi.”- u shpreh Strazimiri.

(M.Q/Faxweb.al)