Banorët e pallatit 8-katësh në lagjen ‘Kodra e Shtufit’ në Gjirokastër që rrezikoi shembjen pas rrëshqitjeve të dheut nga moti i keq nëpërmjet televizionit Fax News i kanë drejtuar një letër Presidentit dhe Kryeministrit të vendit për të ndërhyrë mbi situatën.
Në një lidhje direkte për Fax News banorët shprehen se nuk janë të sigurt që pallati ska rrezikshmëri pasi pallati 8 katësh gjatë ditëve të fundit ka futur lagështirë.
“Ne nuk kemi mënyrë tjetër t’i kërkojmë ndihmën e shtetit. U tha se do të punohej dhe nuk është bërë asgjë. I kalojmë netët me frikë. Flemë me frikë. Para disa ditësh kemi ndjerë një lëkundje tërmeti, dhe imagjino që të shembet një kodër e madhe mbi ne” u shpreh banorja.
Ditë më parë Forcat e Ushtrisë nisën aksionin për heqjen e baltës nga pallati 8-katësh në lagjen ‘Kodra e Shtufit’ në Gjirokastër, pas rrëshqitjes së një masivi dheu që përfshiu 3 katet e para të godinës.
Megjithëse pallati rrezikon të shembet për shkak të rrëshqitjeve të dherave dhe lagështirës që e ka pushtuar, banorët kanë kërkuar që të rikthehen në banesat e tyre, pavarësisht problemit ende evident.
(M.Q/Faxweb)
Discussion about this post