I kandiduari i presidentit të ri Amerikan, Donald Trump, si kreu i ri i CIA-s, Mike Pompeo, duket se mban një qëndrim të ashpër ndaj Moskës zyrtare.
Pompeo ka folur sot në seancën dëgjimore për konfirmimin e tij para Komitetit të Inteligjencës në Senatin Amerikan, midis një mosmarrëveshje mes Trumpit dhe komunitetit të inteligjencës rreth aktiviteteve ruse gjatë zgjedhjeve presidenciale në SHBA.
“Rusia e ka rikonfirmuar veten si agresive duke e pushtuar Ukrainën dhe duke kërcënuar Evropën,” ka thënë Pompeo.
Sipas tij, Rusia nuk ka bërë asgjë për të ndihmuar në luftën kundër ISIS-it.
“Rusia s’ka bërë asgjë për të ndihmuar në mposhtjen e ISIS-it,” ka thënë ai.
Presidenti Donald Trump është akuzuar shumë muajt e fundit për lidhje të forta me Rusinë dhe presidentin Vladimir Putin, akuza këto të hedhura poshtë nga vetë presidenti i ri amerikan. (A.R/SHUPLAKA)
