Sot në emisionin “Arbitrazh” është trajtuar rasti i Petro Gegolli, i cili u dënua me 8 vite burg për një aksident të shkaktuar në vitin 2017 në fshatin Progër të Devollit, ku viktimë mbetën dy vëllezër.
Familja e Gegollit iu drejtua emisionit pas refuzimit të kërkesës së tyre ku kanë kërkuar që familjari i tyre ta vuajë pjesën tjetër të dënimit, 1 vit e 3 muaj burg në shtëpi, kjo për shkak të problemeve të shumta shëndetësore që ai vuan.
Vajza e tij ka treguar sëmundjet që vuan 61-vjeçari teksa ajo ka folur edhe për gjendjen jo të mirë të nënës së saj.
“Kemi hapur gjyq dhe kërkojmë nga gjykata për një sërë sëmundjesh të dalë ose në arrest shtëpie ose detyrim paraqitje, kërkesë që është refuzuar. Ai është me diabet, vuan nga cirroza. Duke parë situatën se shërbimi nuk i jepet sic duhet, plus që mami vuan nga një sërë sëmundjesh, ka probleme me zemrën, edhe ajo vuan nga cirroza, nuk e di pse gjykata nuk e ka parë të arsyeshme ta cojë në arrest shtëpie apo detyrim paraqitje.
I mbledh ujë mëlcia, dhe paraqitet jo në gjendje të mirë shëndetësore. Ka hemorragji. Babai është 61 vjeç. Aksidenti ka ndodhur në fshatin Progër. Babai ka qenë edhe disa herë në Turqi dhe Greqi. Ai është shumë në gjendje të rëndë shëndetësore. I kanë ngelur edhe 1 vit e 3 muaj dhe do të donim të merrte shërbimin në ambientet e shtëpisë”- u shpreh vajza e saj për emisionin “Arbitrazh”.
Ndërkohë edhe gruaja e tij ka treguar për sëmundjet nga të cilat ajo vuan.
“Kam 3 vjet që jam në spital, shkoj marr gjak dhe kthehem. Vuaj nga mëlcia, gjendrat tiroide, kocka. Unë jetoj vetëm. Ai vuan shumë”- u shpreh ajo.
Discussion about this post