Alketa Vejsiu, është një nga moderatoret më të ndjekura dhe më të kërkuara në rrjetet sociale.
Në çdo dalje publike, si në ekran dhe rrjete sociale e kemi parë të kuruar deri në detaj dhe shpeshherë ajo kërkon dhe mendimet e ndjekësve të saj. Në njërën prej fotove të fundit njëri nga ndjekësit i shkruan se këmbët i ka katastrofë.
“Shumë skandal, këmbët Alketa të vezullojnë shumë dhe i ke shumë katastrofë”, shkruante ndjekësi, por moderatorja nuk ja ka kursyer përgjigjen.
“Jam shumë krenare për to se kam qenë ‘Beni ecën vetë’ kur shumë të tjerë s’ishin ngritur në këmbë ende. Ndaj, janë si janë, janë aleatet e mia më të mira në një rrugëtim të gjatë, por të mrekullueshëm. Kanë shkelur rrugë me gunga, pa asfalt, kanë ngjitur e zbritur shkallë. Vazhdojnë të pedalojnë në biçikletë drejt ëndrrash të reja…Faleminderit për vërejtjen, por s’i ndërroj dot. (Dhe nëse do të dish të vërtetën, më pëlqejnë shumë kur i shoh në pasqyrë!)”, shkruan Alketa.
(E.K/FAXWEB.AL)
