Është ndarë nga jeta ditën e djeshme një nga yjet më të mirë të muzikës pop nga vitet ’80 e deri më sot. Bëhet fjalë George Michael.
Michael, për të cilin ishte planifikuar të shfaqej një film dokumentar më 2017, mori famë si anëtar i grupit Wham!, të njohur për hitet e tyre të para si; “Club Tropicana” dhe ”Last Christmas”. Pikërisht në këtë ditë ai ndërron dhe jetë, një nga koiçidencat më të frikshme që askush nuk do të donte ta kishte për fat.
Sipas njoftimit të producentit të tij ai ndërroi jetë në shtëpinë e vet në Oxfordshire.
“Me pikëllim të madh kinfirmoj se, vëllai, miku George, vdiq paqësisht në shtëpinë e tij gjatë Krishtlindjeve”. Legjenda George Michael, i cili e nisi karrierën ë tij në vitet 1980, ka arritur të shesë më shumë se 100 milionë albume. Këngëtari vuante nga pneumonia që prej vitit 2011, por megjithatë rrethanat në të cilat ka ndërruar jetë janë ende të paqarta. Një nga shkaqet mendohet të ketë qenë edhe mbidoza e drogës ose alkoli. (E.K/SHUPLAKA)
