52-vjeçari Luan Komani është arrestuar tre herë për shkak se ka rilidhur në mënyrë të paligjshme energjinë elektrike.
Në muajin gusht, Komani iu lut gjyqtarit që ta linte në burg, për shkak se nuk kishte mundësi të paguante detyrimin prej 200 mijë lekësh.
Sot, Komani flet për emisionin investigative Fiks Fare dhe tregon arsyen se përse e rilidhte energjinë elektrike.
“Unë nuk kam vjedhur! I lidha për të parë televizorin dhe karikuar celularin. Fatura kishte vajtur 1.5 mln për 10 vjet. Burgun nuk e kisha provuar ndonjëherë! Qejf nuk kam të qëndroj në burg, por…”, shprehet 52-vjecari.
Më tej ai shprehet se i pëlqen të shkruajë libra. Por i ka të pabotuar për shkak të mungesës së parave.
“Kam bërë 22 libra! I kam të pabotuara! Aty kam hedhur mendimet e mia për bankën, punën, fshatin në përgjithësi. Jam financier dhe kam punuar bankier tek ish-banka e Kursimeve”. (D.D/Shuplaka)
Discussion about this post