Këngëtarja e njohur, Fifi dhe Adis Patushi po shijojnë romancën e tyre. Së fundmi, Fifi i bëri një dedikim Adisit në rrjetin social Instagram.
Ja ç’shkruante Fifi:
“Përtej dashnisë ! S’jemi te parët ne jetët tona, po një gjë e di – ty do të të dedikoj veten . M’fal që nuk jam rujt vetëm për ty, po një gjë e di – për ty do jetoj . Të gjeta çmenduria ime ,dashnia që e kërkova për vite me rradhë. Të dua”.
Lidhur me këtë deklaratë, ka reaguar gazetarja Zhaklin Lekatari.
Ajo ka publikuar disa video në Instastory, ku thekson se është ndjerë e “neveritur” nga postimi që ka bërë Fifi. Jo vetëm kaq por Zhaklin thotë se Fifi nuk duhet të promovojë gjëra të tilla.
“Mirmëngjes Fifi unë jam Zhaklin Lekatari, jam gazetare dhe sot u zgjova e neveritur nga deklaratat e tua. Mua nuk më intereson shumë se çfarë bën ti në jetën tënde me sa njerëz ke bërë seks, ajo që mua më intereson është që audiencën dhe hapësirën tënde ta përdorësh për mirë, jo ta përdorësh duke i mësuar vajzave të vogla që ato duhet ta ruajnë veten për një person.
Nëse ti do ta ruash veten për një person sepse mendon që vlerën ty ta jep ai person, bën mirë ta mbash për vete dhe jo të promovosh budallallëqe të tilla. U zgjova dje në mëngjes me Harry Styles që ndihmonte një ndjekësin e tij që të bënte ‘coming out’, sot zgjohem me Fifin e cila na tregon që duhet ta ruajmë veten për një burrë”, tha gazetarja.
Discussion about this post