I kërkojnë rryshfet pushuesit nga Kosova, pezullohen dy punonjësit e policisë në Durrës

Policia e Durrësit ka reaguar pas denoncimit të një qytetari kosovar, që dy efektivë policie i kanë kërkuar bakshish.

Pushuesi tegon në polici se është nisur nga qyteti i tij për në bregdetin shqiptar gjatë orëve të natës dhe është ndeshur me një situatë të pakëndshme me policinë.

Bardhëeblutë e kanë ndaluar gjastë një kontrolli rutinë dhe pasi vunë re që dokumentacioni ishte në rregull, i kërkuan edhe bakshish. Ndërkohë që fëmijët e tij ndodheshin ën gjumë në makinë.

Sipas policisë së Durrësit, pas denoncimit dy punonjësit e policisë janë pezulluar menjëherë nga puna.

DETAJET E POLICISË

Durrës. Në lidhje me një publikim në media online, ku një qytetar nga Kosova ka denoncuar dy punonjës policie me pretendimin se i kanë kërkuar rryshfet, bëjmë me dije se: Drejtori i Drejtorisë Vendore të Policisë Durrës sapo është njohur me rastin ka urdhëruar pezullimin e menjëhershëm nga detyra të I.Sh. dhe I.V. efektive policie të Qarkullimit Rrugor, deri ne sqarimin e rrethanave.

Nga verifikimet e kryera është konstatuar se në lidhje me rastin e denoncuar, per mjetin ne fjale është vendosur një masë administrative nga patrulla e Policise.

Për veprime të mëtejshme më të hollësishme çështja është dërguar pranë Drejtorisë së Standarteve Profesionale në Drejtorinë e Policisë së Shtetit, për evidentimin dhe marrjen e masave perkatese.

Drejtoria Vendore e Policisë Durrës falenderon çdo qytetar për bashkëpunimin dhe mediat per denoncimin, duke garantuar marrjen e masave konkrete ndaj punonjësve që shkelin ligjin. (D.D/Shuplaka)