Një përplasje në distancë është zhvilluar ditën e sotme mes Rudina Hajdarit dhe zëdhënësit të presidentit Meta, Tedi Blushi.
Gjithçka ka nisur me një Twitter të Hajdarit, e cila e konsideronte një turp faktin që Kryemadhi kishte çuar si përfaqësues të LSI-së në Presidencë Petrit Vasilin, dhe nuk kishte shkuar vetë.
“Sa turp! Presidenti jonë takohet me nënkryetarin e LSI-së dhe ish nënpunësin e tij se nuk takon dot gruan e tij si kryetare e LSI-së, ndërkohë nuk ka bërë asnjë tentativë për tu takuar me asnjë deputet të opozitës brenda Kuvendit të Shqipërisë dhe pretendon se është i paanshëm”, shkruante më herët Hajdari.
Më pas erdhi reagimi i Blushit që ironizonte deputeten për thyerjen e heshtjes zgjedhore, dhe i kujtonte asaj Vetingun e të ëmës.
“I zhgënjyer shumë që Rudina nuk po e respekton “heshtjen zgjedhore” të partisë së saj të re që shkon nesër në votime.
Megjithatë e mirëkuptojmë për shpërdorimin që i bën mbiemrit Hajdari, të paktën derisa t’i kalojë mami vettingun”, shkruante ai.
Dhe për ti hedhur më shumë benzinë zjarrit ka shkruar sërish deputetja, e cila thotë se Blushin as nuk e njeh fare, dhe nëse e kalon e ëma e saj apo jo Vetingun, kjo është një çështje që i takon organeve të drejtësisë.
“Kur zhgënjehet Tedi, që as nuk e njoh fare, vetëkuptohet se sa shumë mërzitem. Po të kthej përgjigjje meqë je Zëdhënësi i Presidentit dhe i bie që ky mesazh, aspak profesional, të jetë i Tij.
Gjithsesi, e kalon apo jo mami im Vetting-un, është çështje që i takon KPK, OMN & KPA, por ama kujdes kur i shkruani ato dekretet & çdekretet se po ju dridhet dora”, është përgjigjur Hajdari.
(E.K/Faxweb.al)
Discussion about this post