Kryedemokrati Lulzim Basha ka reaguar lidhur me votimet që u mbajtën për zgjedhjet në Parlamentin Europian ku Partitqë e djathta diolën fituese.
Basha e quan pjesmarrjen e qytetarëve në këto zgjedhje si më të madhen në 20 vitet e fundit si dhe argumenton se ato konfirmuan vendosmërinë për të mbrojtur dhe çuar përpara vlerat europiane.
“Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane”, shkruan Basha.
Ndërkohë që shton se beteja e shqiptarëve për votë e lirë vijon dhe se opozita nuk do të bëjë asnjë hap pas drejt arritjes së këtij synimi.
Reagimi i plotë:
Qytetarët europianë, me pjesmarrjen më masive të 20 viteve të fundit në zgjedhjet për Parlamentin Europian, konfirmuan vendosmërinë për të mbrojtur dhe çuar përpara vlerat europiane.
Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane. Urimet më të përzemërta për presidentin Joseph Daul dhe PPE dhe në veçanti për fushatën e jashtëzakonshme të kandidatit tonë për President të Komisionit Europian Manfred Ëeber.
Forca e qytetarëve në demokraci është vota, prandaj beteja e shqiptarëve për votën e lirë është betejë jetike për vlerat europiane, për demokracinë perëndimore dhe për Shqipërinë si gjithë Europa.
Asnjë hap pas! #ShqipëriaSiEuropa #2qershor
(F.GJ/FAXWEB.AL)
