Dhjetra famillje në fshatin Vidohovë vijojnë të gdhihen në çadër pas shkatërrimit të banesave të tyre nga tërmeti i 1 qershorit. Teksa ka nisur rikonstruksioni në dy banesa kjo ka sjellë indinjimin e banorëvë të tjerë. Bindjet politike dhe miqësitë, janë kriteret me të cilat janë përgjedhur banesat që do ndërtohen.
Mes lotësh, ata tregojnë gjendjen në të cilën jetojnë prej më shumë se katër muajsh. Mes varfërisë dhe kushteve ekstreme në cadër banorët apelojnë për ndihmë.
“Nuk kemi takat, shtëpia ime mbarojë. Të vënë dorë në zemër”, shprehet banori.
Ata thonë se selektimi është i padrejtë pasi po ndihmohën banorë të cilët nuk janë të dëmtuar dhe po lihen ne qiell të hapur ata që kanë nevoja urgjente.
Madje banorët thonë se bindjet politike dhe miqësitë janë kriteret qe kanë përgjedhur për ndërtimin e banesave. Ndërsa apelojnë për ndihmë urgjente pasi po afron dimri.
“Jemi pa ndihmë ekonomike, pa asgjë. Mua më ka ikur muri i gjithë. Të bëhet zgjidhja e drejtë. I lutem Edi Ramës për çdo gjë”, thotë një nga banoret.
Në fshatin Vidohovë u dëmtuan më shumë se 30 banesa ndërsa ka nisur restaurimi në dy prej tyre teksa pjesa tjetër vijon të zgjohet në kushtet ekstreme të çadrës.
