Deputetja e LSI-së Monika Kryemadhi, njëherësh bashkëshortja e kreut të Kuvendit Ilir Meta, ka ndarë me publikun disa çaste nga dasma e kushëririt të tij në Amerikë. Në video shihet këngëtarja me origjinë shqiptare Bebe Rexha, e cila këndon për çiftin e ri Besartin dhe Fatjonën.
Nëpërmjet një shkrimi, Kryemadhi uron çiftin e ri që të kenë një jetë të lumtur sëbashku ndërsa shton se edhe ajo vetë ndihet e lumtur për shkak se edhe pse në Amerikë, ende ruhen traditat e dasmave shqiptare.
“Jam e lumtur dhe krenare, që në dasmën e djalit të dajës tim, Besartit, në SHBA, megjithëse të ikur prej dekadash të tëra, vazhdojnë të ruhen traditat e bukura shqiptare, por edhe lidhjet e forta me njëri-tjetrin e me familjen. Ne, shqiptarët jemi një komb shumë krenar dhe të lidhur fort me traditat tona që vijnë që nga lashtësia.
Kushërira jonë, Bebe Rexha ishte ajo që iu dedikoi një këngë që e shoqëroi Besartin dhe Fatjonën në vallëzimin e tyre të parë si çift i sapomartuar.
Urime të dyve e jetë të lumtur së bashku!”, shkruan Kryemadhi. (D.D/Shuplaka)
Discussion about this post