“Njihuni me vajzën 5 vjeçare që hapi sytë e botës ndaj gjendjes së Jemenit. Buthaina i mbijetoi një shpërthimi në një ndërtesë apartamentesh që vrau pjesën tjetër të familjes së saj, duke tërhequr vëmendjen ndaj vargut të krizave humanitare të Jemenit në një fushatë ushtarake të udhëhequr nga Saudite kundër rebelëve Houthi”, kështu shkruan CNN sot për vogëlushen nga Jemeni e cila është gjymtuar në trup e në fytyrë.
Familjarët e Buthaina-s humbën jetën gjatë një shpërthimi në kryeqytetin e Jemenit, Sanaa. Fotoja e saj ndërsa përpiqet të hapë sytë e dëmtuar nga shpërthimi, është bërë virale. Gjesti i vogëlushes është kthyer në një simbol për gjendjen e vështirë në Jemen.
Një gazetar i CNN e vizitoi vogëlushen në spital në Sanaa, e cila ishte e rrethuar nga të afërm dhe njerëz të cilët i uronin të mirën dhe e kishin mbushur me dhurata.
Buthaina po shërohet. Halla dhe xhaxhai i saj janë tani kujdestarët e saj ligjorë. UNICEFF e konsideron situatën në Jemen, si “krizën më të madhe të njerëzimit në botë”. (D.D/Shuplaka)
Discussion about this post