Hasan Hasanovic, një prej të mbijetuarve të masakrës së Srebrenicës ka rrëfyer për BBC se si i ndryshoi jeta si shumë të tjerëve pas ardhjes së ushtarëve serbë. Ai tregon se gjithçka ndodhi më 11 korrik 2015, kur Srebrenica ishte shpallur zonë e sigurtë për civilët nga OKB.
Por forcat serbe të Bosnjës, të udhëhequr nga komandanti Ratko Mladic, rrethuan qytetin dhe filluan ta granatonin atë. Ditën kur Srebrenica ra, Hasan ishte 19 vjeç. “Ne të gjithë menduam se OKB do të na mbronte deri në fund të luftës. Ne ishim vetëm duke pritur përfundimin e saj me mendimin s e ishim të mbrojtur.”, shprehet Hasan, teksa tregon më pas peripecitë e hequra bashkë me familjarët për t’i shpëtuar masakrës.
Ajo nga u arratis Hasan konsiderohej si mizoria më e keqe në Europë pas Luftës së Dytë Botërore. Në vetëm pak ditë, rreth 8,000 burra dhe djem u ekzekutuan. Pas rikthimit në Srebrenicë pas luftës, ai mendon tashmë se sa ngjashmëri ka mes vendit të tij dhe Aleppo-s. Pyetja se çfarë nuk është bërë nga paqeruajtësit për t’i mbrojtur ata, vijon sot e kësaj dite.
“Njerëzit në Aleppo ndodhen në të njëjtën situatë. Ndihemi si të braktisur dhe sikur të mos i përkasim këtij njerëzimi. Ne vazhdojmë të përsërisim “Kurrë më” por kur është fjala për veprim, ne nuk bëjmë asgjë për të parandaluar atë që ndodh. Duket se bota nuk ka mësuar asgjë. Ne jemi duke jetuar në epokën e teknologjisë, por na mungon arsyetimi.”, shprehet Hasan.
[ngg_images source=”galleries” container_ids=”71″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
