Mbrëmjen e sotme, reperi më i dashur për të rinjtë shqiptarë Noizy, ka tmerruar mbrëmjen e sotme fansat. Ai ka publikuar një video në instagramin e tij, ku shihet pa ndjenja në timon dhe i gjakosur në kokë.
Disa prej fansave ishin të tmerruar ndërsa disa të tjerë dyshonin se bëhej fjalë për një shaka. Mirëpo e gjithë situata është qartësuar përmes një videoje të dytë, ku Noizy nga i gjakosur çohet duke qeshur dhe kënduar vargjet e Adele “Hello from the other side!”, ose “Tungjatjeta nga ana tjetër”. Mirëpo kjo nuk është thjesht një shaka pa kripë e reperit, por provat gjatë xhirimeve të një filmi.
Më herët vetë Noizi ka bërë me dije se do të marrë pjesë në një film të titulluar “Blind”, pjesë e të cilit janë edhe Blerim Destani dhe Xhevdet Jashari. Filmi po xhirohet në gjermani ku ndodhet aktualisht edhe reperi, që tani po i futet edhe aktrimit. (D.D/Shuplaka)
