Është shkarkuar nga detyra prokurori Arben Nela, i cili ishte kandidat edhe për KLP-në. Sipas vendimit të dhënë në KPK sot Nela akuzohet për fshehje të pasurisë.
Pas dhënies së vendimit Arben Nela u shpreh se KPK funksionon me standarde të dyfishta, e sipas tij vendimi nuk është i bazuar, duke lënë të kuptohej se do të apelonte.
Në deklarimin e pasurisë Nela rezulton të ketë marrë shuma të mëdha borxh, nga motra e gruas së tij. ILDKPI ka thënë se prokurorit i është gjetur deklarim i pasaktë, ndërsa vetë Nela e ka mohuar këtë, duke thënë se raport ishte i shtrembëruar.
“Kam deklaruar saktesisht pasuritë, nuk kam kryer fshehje dhe deklarim të rremë”- ka thënë Nela në seancën e shkuar.
Personi huadhënës është motra e bashkeshortës, e cila sipas tij ka patur të ardhura me burime të ligjshme. Nga viti 2000 deri ne 2006 ka patur një shumë prej 270 mijë euro me burime të ligjshme.
“ILDKPKI ka paraqitur një raport në kundërshtim me ligjin e vetingut, pasi ka dalë në perfundimin se kam kryer deklarim të rremë. Raporti është i shtrembëruar, nuk janë kryer analiza financiare për të analizuar mungesën e burimit te ligjshëm. ILDKPKI në kundërshtim me ligjin e vetingut ka përfshirë ne hetimin pasuror vëllezerit e mi”- ka thënë ai.
(E.K/FAXWEB.AL)
Discussion about this post