Arrestohet në Itali, një 47-vjeçar italian me origjinë shqiptare. Bëhet me dije se shkaku i arrestimit ishte dhuna sistematike fizike ndaj bashkëshortes së tij 42-vjeçare shqiptare.
Dhuna u zbulua në momentin kur djali 13-vjeçar i familjes, telefonoi autoritetet duke i thënë: Ejani, babai po na rreh.
Me të mbërritur në shtëpinë ku djali i mitur i përshkroi, policia e gjeti atë në rrugë të tronditur dhe të përlotur. Efektivët i dhanë ndihmën e parë shqiptares si dhe dy fëmijëve të mitur.
Mësohet se mamaja dhe njëri prej fëmijëve ishin dëmtuar si pasojë e dhunës. Sipas autoriteteve italiane, 47-vjeçari shqiptar, ka qenë disa herë protagonist i episodeve të ngjashme.
Gruaja dhe fëmijët u sistemuan në stacionin e policisë Civitanova Marche, ku nga nëntori 2023, u ngrit një dhomë kushtuar viktimave të konsideruara si më të dobëtat. Ndërkohë 47-vjeçari u transferua në burgun Ancona Montacuto.
Discussion about this post