Dy shtetas shqiptar janë vënë në pranga ditën e sotme në Tiranë. Ngjarja ka ndodhur në rrugën “Azem Galica” ku dy përsonat e arrestuar i kishin marrë me dhunë një sasi eurosh dhe sende të tjera një shtetasi maroken.
Këta shtetas në bashkëpunim me njeri-tjetrin, në orët e para të mëngjesit të datës 22 shkurt i kishin vjedhur me dhunë 200 euro dhe sende të tjera personale thuhet në njoftimin e Policisë.
Njoftimi i Policisë
Tiranë
Vodhën me dhunë 1 shtetas të huaj, por falë ndërhyrjes së shpejtë të Policisë u arrestuan në flagrancë 2 autorët e dyshuar të ngjarjes.
Nga Specialistët e Hetimit të Krimit në Komisariatin e Policisë Nr.3, pas njoftimit të marrë nga një shtetas maroken se i kishin marrë me dhunë një sasi eurosh dhe sende të tjera në rrugën “Azem Galica”,menjëherë u organizua puna dhe falë veprimeve të shpejta dhe profesionale u bë i mundur, identifikimi , kapja dhe arrestimi në flagrancë i shtetasve :
- D.P., 17 vjeç dhe E.V., 21 vjeç, banues në Tiranë. Këta shtetas në bashkëpunim me njeri-tjetrin, në orët e para të mëngjesit të datës 22 shkurt i kishin vjedhur me dhunë 200 euro dhe sende të tjera personale shtetasit maroken K.A, i cili kishte hyrë me dokumentacion të rregullt në Shqipëri dhe do udhëtonte drejt Italisë.Në cilësinë e provës materiale janë sekuestruar shuma e parave të vjedhura. dhe sendet personale.
Materialet i kaluan Prokurorisë pranë Gjykatës të Shkallës së Parë Tiranë, për veprën penale “Vjedhja me dhunë, kryer në bashkëpunim”.
R.G/FAXWEB.AL
Discussion about this post