I mori 38,400€ borxh e nuk ia ktheu, i afërmi e denoncon 55-vjeçaren

Ka nisur procedimi penal ndaj një shtetaseje 55-vjeçare me iniciale V. H., e cila është denoncuar në polici nga i afërmi i saj.

Shkak për këtë denoncim është bërë shuma prej 38.400 euro që I. S. 49 vjeç ia kishte dhënë me mirëbesim për të blerë një shtëpi, por sipas tij, ajo as nuk e ka marrë banesën dhe as paratë nuk ia ka kthyer.

Detaje të Policisë së Durrësit:

Specialistët e Seksionit kundër Krimit Ekonomik dhe Financiar në Drejtorinë Vendore të Policisë Durrës filluan proçedimin penal në gjendje të lirë në ngarkim të shtetases:

• V.H.  55 vjeçe,  banuese në Tiranë.

Shtetësia e mësipërme, që në  vitin 2007,  ia ka marrë me mirëbesim 38 400 € shtetasit I.S. 49 vjeç, banues në Durrës, me qëllim për të blerë një shtëpi.

Shtetasi I.S. ka bërë kallëzim më datë 26.01.2017, pasi nuk ka marrë as banesën dhe as nuk paratë që i ka dhënë shtetases V.H.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën  penale “Mashtrimi” parashikuar në nenin 143 të Kodit Penal.