I mori makinën të atit dhe u përplas bashkë me shokët, kush është adoleshenti shqiptar që vdiq në Greqi

15-vjeçari shqiptar që humbi jetën si pasojë e një aksidenti në Greqi është identifikuar si Enriko Buzani.

Aksidenti ndodhi gjatë ditës së djeshme në qytetin Kyparissia, ndërsa shqiptari kishte marrë fshehur makinën e babait të tij për të dalë xhiro bashkë me dy shokët të cilët gjithashtu humbën jetën, raportojnë mediat greke.

Në makinë së bashku me shqiptarin ndodheshin dy shokët e tij, Niko Trialona 15 vjeç me origjinë greke dhe Kristo Mertai me origjinë bullgare. Tre adoleshentët ishin lojtarë të klubit të futbollit ‘Kyparissia’, dhe konsideroheshin si talente.

Ata u përplasën me një furgon në aksin kombëtar Pirgo-Methoni, pranë Terpsitheas, jashtë Kiparisias. Greku dhe bullgari vdiqën në vend, ndërsa shqiptari ndërroi jetë pak para mberritjes në spitalin e Rios.

Nga përplasja është plagosur lehtë dhe drejtuesi i furgonit, një 48-vjecar. Familja e shqiptarit jetonte prej vitesh në Greqi.

(E.K/FAXWEB.AL)