Ditën e djeshme në autobusin e linjës Kakavijë-Durrës një person i identifikuar si P.XH 61-vjeҫ ka pësuar atak kardiak duke ndërruar jetë në autobus. Ngjarja e rëndë është regjistruar rreth orës 05.00 të mëngjesit të së shtunës.
Sipas policisë gjatë udhëtimit, 61-vjeçari P.Xh. është ndjerë keq dhe gjendja e tij shëndetësore ka vijuar të përkeqësohet edhe më shumë derisa ai ka ndërruar jetë. Ai humbi jetën nga ataku kardiak.
Njoftimi i policisë
Më datë 19.08.2017, ora 05:00, gjatë rrugës në autobuzin e linjës Kakavijë-Durrës ka gjetur vdekjen shtetasi P.Xh. 61 vjeç, banues në Durrës.Nga veprimet hetimore ka rezultuar se vdekja ka ardhur si pasojë e një ataku kardiak të ndodhur gjatë udhëtimit.Materialet i kaluan Prokurorisë së Rrethit Gjyqësor Durrës.
Më datë 19.08.2017, ora 21:20, në urgjencën e spitalit, është dërguar në gjendje të rëndë shëndetësore, një punonjës policie vjeç 52, i cili sipas mjekut, ka pësuar infarkt. (jJ.V/Shuplaka)
Discussion about this post