Një shqiptar është arrestuar mëngjesin e sotëm në Rimini të Italisë, pasi ka tentuar të vrasë me thikë një bashkëatdhetar të tij.
Ngjarja e rëndë ka ndodhur më 2 maj të vitit të kaluar në Miramare, ku shqiptari 31 vjeçar ka goditur me thikë rivalin e tij në dashuri. Mirëpo ai është arrestuar vetëm mëngjesin e sotëm.
Mediat italiane shkruajnë se shqiptari teksa ngiste makinën e ish-të dashurës, i ka dalë përpara shqiptarit tjetër ndërsa ai ecte me biçikletë dhe e ka goditur me një thikë 12 cm të gjatë në gjoks. Shqiptari tjetër mbeti i plagosur rëndë, por për fat të mirë arriti t’u mbijetonte plagëve.
Policia italiane njofton se shqiptari qëndronte në Itali vetëm me vizë turistike, pa punë dhe kishte lidhje me botën e drogës. Në kohën kur ka bërë sulmin, ai ishte i bindur se e dashura po e tradhëtonte me tjetrin dhe kishte vendosur të bënte vetë drejtësi. (D.D/Shuplaka)
Discussion about this post