I ngul thikën vetes, i moshuari i mbuluar në gjak dërgohet me urgjencë në spitalin e Vlorës

Një tjetër rast vetëvrasje është shënuar në orët e para të mëngjesit në vendin tonë. Këtë herë ngjarja ka mbetur në tentativë. Ngjarja ka ndodhur në qytetin e Vlorës ku një person rreth të 70-tave i ka ngulur thikën  vetes.

Sipas policise, “Më datë 08.07.2017, rreth orës 03:30, në Spitalin Rajonal Vlorë, ka shkuar i dëmtuar me mjet prerës shtetasi Ç.F., 68 vjeç, banues në Vlorë”.

Nga hetimet e kryera të policisë, dyshohet se ky shtetas ka dëmtuar veten me mjet prerës “thikë” në ambientet e banesës së tij në lagjen “Isa Boletini” Vlorë.

Policia ben me dije se nga deklarimet e familjarëve, dyshohet se ky shtetas e ka kryer aktin në depresion e sipër pasi vuan prej kohësh nga skleroza.

Personi i dëmtuar ndodhet në ambientet e spitalit, në gjendje shëndetësore jashtë rrezikut për jetën.

(E.K/SHUPLAKA)