Oltion Shehu, drejtori i Inspektimit dhe ankesave në SHÇBA-së i pari që iu nënshtrua Vettingut në polici, është shkarkuar nga Komisioni i Jashtëm i Vlerësimit.
Vendimi nga KJV është marrë ditën e sotme, ndërsa në seancën e para tre ditëve u vu re se ai rrezikonte të mos kalonte Vettingun për shkak të mos regjistrimit në sigurimet shoqërore në kohën kur punonte si menaxher në një sallë bingoje.
Gjithashtu Shehut i janë gjetur mangësi pasi ndaj tij rezultojnë edhe dy masa administrative ndërsa nuk ka deklaruar saktë pasurinë e tij, një shifër prej rreth 1.4 milionë lekësh.
Në seancën e parë, Inspektori ka argumentuar se në kohën që administronte bingon, ka fituar shuma të konsiderueshme nga bakshishet të cilat nuk kishte se si ti deklaronte, ndërsa avokati i tij ka kërkuar rivlerësim të shpenzimeve, por që nga ana tjetër komisioni i jashtëm i vlerësimit vendosi kontraktimin e një eksperti kontabël, për këtë çështje.
“Nuk kam pasur kohë të mjaftueshme për të pergatitur relacionin përsa i perket deklarimit të të ardhurave të pasurisë. Komisioni të marr parasysh të ardhurat para viteve ‘98, pasi në atë kohë nuk deklaroheshin pagat. Banesa 2 katëshe është ndërtuar nga të ardhurat e krijuara ndër vite”, ka thënë Shehu para komisionit të Vettingut.
Pyetje nga anëtarët e Komisionit: Më 30 maj 2019 keni dhënë doreheqje, në lidhje me mangesitë vijnë si rezultat i lodhjes në punë, si kanë ndryshuar aftësitë profesionale për t’u përballur me fluksin që keni tani si shef sektori për Ankesat?
Shehu: Për dorëheqjen si inspektor, drejtori ka të gjitha atributet për të marrë masa ndaj meje, ky ka qënë një gjykim i imi.
Pyetje: A përfitonit bakshishe nga puna private?
Shehu: Në aktivitetin e lojërave të fatit liheshin bakshishe.
Lidhur me mosdeklarimin e mungesës së pagesës së sigurimeve, Shehu ka thënë se nuk ka qenë në dijeni të këtij fakti.
Oltion Shehu ishte i pari nga lista prej 12 drejtuesve në SHÇBA që iu nënshtrua që u përball me vetingun në radhët e policisë.
Lista e punonjësve të SHÇBA që do t’i nënshtrohen vlerësimin kalimtar dhe periodik, në shortin e parë (aktualisht në detyrë).
(K.H/Faxweb.al)
