Një shtetas grek ka rënë në prangat e policisë për trafik ndërkombëtar të lëndëve narkotike. Siç raporton policia, 71-vjeçari i identifikuar si Panajotis Petropullos, po transportonte 94 kilogramë e 720 gramë kilogramë Cannabis Sativa. Mësohet se shtetasin në fjalë është arrestuar në vendin e quajtur Sajadhe në Igumenicë, teksa policia ka ndaluar për kontroll mjetin e tij.
Prej fillimit të vitit e deri sot, në Igumenicë, Korfuz, Lefkadha, Kefalonia, Janinë, Athinë, Selanik, Arte, Aitiloakarnania, Patra, Kostur, Grevena, Follorinë, Aleksandroupoli, policia greke ka sekuestruar rreth 9.9 ton marijuanë që vinte nga Shqipëria.
Njoftimi i policisë
Falë bashkëpunimit mes Policisë së Shtetit dhe Policisë Greke, goditet një tjetër rast i trafikut ndërkombëtar të lëndëve narkotike. Operacioni mes Policisë Kufitare Sarandë, Policisë së Sarandës, Policisë Kufitare të Igumenicës dhe Antidrogës. Arrestohet transportuesi i lëndës narkotike 71-vjeçari nga Athina. Sekuestrohen 94 kilogramë e 720 gramë kilogramë Cannabis Sativa
Policia Kufitare e Igumenicës në bashkëpunim me Antidrogën, kanë marrë njoftim nga Policia Kufitare e Sarandës, se efektivët e Policisë Kufitare Sarandë në bashkëpunim me Seksionin për Hetimin e Krimeve në Komisariatin e Policisë Sarandë janë vënë në ndjekje të disa personave që dyshohej se po transportonin lëndë narkotike nëpërmjet kufirit jeshil ku në tokën greke do i priste një automjet. Rreth orës 08.00 në vendin e quajtur Sajadhe, Igumenicë, Policia Greke ka ndaluar për kontroll mjetin me targa IPA 4427 me drejtues shtetasin grek Panajotis Petropullos, 71 vjeç, banues në Athinë, i cili u arrestua në flagrancë.
Nga kontroll i mjetit u konstatua se kishte ngarkuar lëndë narkotike Cannabis Sativa ku nga peshimi rezulton se lënda narkotike ishte paketuar në 57 pako me peshë 94 kilogramë e 720 gramë. Vijojnë hetimet e përbashkëta për zbardhjen e plotë të këtij rasti të trafikut të lëndëve narkotike, si dhe për identifikimin dhe kapjen e shtetasve shqiptarë që transportuan me krahë lëndë narkotike nëpërmjet kufirit jeshil.
(J.D/Faxweb.al)
