I pezulluan urdhrin për ndalimin e emigrantëve, Trump kërcënon kështu

Presidenti i Shteteve të Bashkuara të Amerikës, Donald Trump, ka reaguar përmes një postimi në “Tëitter” lidhur me vendimin e Gjykatës së Apelit për të pezulluar urdhrin e ndalimit të hyrjes së emigrantëve në SHBA.

Gjykata e Apelit votoi unanimisht 3-0 kundër urdhrit të presidentit dhe duket se ky vendim nuk është mirëpritur nga Trump i cili u shpreh së fundmi se vendi është në rrezik.

“Shihemi në gjykatë, siguria e kombit tonë është në rrezik!”, shkruhej në llogarinë e tij në “Twitter”.

Urdhri ekzekutiv që u ndalonte hyrjen në SHBA shtatë shteteve myslimane u rrëzua edhe një herë nga gjykatat amerikane. Gjykata e Apelit në San Francisco vendosi të lerë në fuqi vendimin e gjykatës së shkallës së parë, i cili pezullonte përkohësisht urdhrin e presidentit Trump. (XH.A/SHUPLAKA)