Një ngjarje shumë e rëndë ka ndodhur në qytetin e Librazhdit ditën e djeshme, ku një i ri ka gjetur vdekjen tragjikisht në varreza. Nipi varros gjyshen e tij, por që nga dhimbja se ka humbur njeriun më të dashur i ka “ plasur zemra” gjatë momentit të varrimit.
Toni Hidri, 29 vjeç është nisur për në Spitalin e Librazhdit por fatkeqësisht ndërhyrja ka qenë e kotë pasi Hidri tashmë kishte humbur jetën.
Sipas një portali online 29-vjeçari në momentin që i ka dhënë lamtumirën e fundit gjyshes së tij, ka pësuar infarkt thuajse sipër dheut ku edhe është varrosur gjyshja.
Sipas të afërmve, të cilët kanë mbetur të shokuar nga ajo që kanë parë dhe kanë dëgjuar, Toni ishte shumë i lidhur me gjyshen e tij. Duhet të theksojmë që prindërit e Tonit kanë qenë të ndarë dhe ai u detyrua që i vogël të rritej nga gjyshja e tij.
Ky ka qenë edhe shkaku i një emocioni të fortë, që sipas mjekëve mund të ketë shkaktuar edhe infarktin. Mjekët thonë se, në fillim Toni ka pasur tension të lartë dhe fill pas kësaj i ka rënë edhe infarkt, duke gjetur vdekjen e menjëhershme.
Të afërmit dhe miqtë e tij e kujtojnë 29-vjeçarin si një djalë të mbarë e të miredukuar, dhe kjo sipas tyre falë gjyshes së tij që e rriti me dashuri. Toni më parë emigroi drejt Belgjikës tek i vëllai i tij, por sërish u kthye në qytetin e Librazhdit te gjyshja e tij, dhe punonte si kamerier në lokalin në pronësi të dajës së tij. E gjithë kjo nga dashuria për gjyshen. (J.V/Shuplaka)
