“I preu kokën policëve”, si i komenton Ben Blushi deklaratat e Ramës

Kreu i LIBRA-s, Ben Blushi ka reaguar lidhur me deklaratën e kryeministrit Edi Rama, që policët pas orarit zyrtar të punës, të linin uniformat dhe të dilnin për të mbledhur vota.

Sipas Blushit, Rama si humbës i këtyre zgjedhjeve thërret në ndihmë policinë, ndërsa shtoi se ai është kërcënim për shoqërinë.

Kujtojmë se vetëm pak minuta më parë kryeministri Rama ka kërkuar ndjesë publike për deklaratën e tij, duke pranuar që ky ishte një gabim.

MESAZHI I BLUSHIT
HUMBËSI I ZGJEDHJEVE THËRRET POLICINË NE NDIHMË
Nga ligësia, nga mendjelehtësia dhe nga frika Edi Rama e provoi se është nje kërcënim për shoqërinë. Ti kërkosh policëve të mbledhin votat me kapele, do të thotë ti presësh kokën policisë. Në vend që policia të na mbrojë ne tani ne duhet të mbrojmë ne policinë nga Rama. Jo vetëm për këtë shkak do shkarkohet nga puna në 25 Qershor.

(E.K/SHUPLAKA)