Mikel Shallari është i arrestuar pasi dyshohet si ekzekutori i ish-shefit të Policisë së Vlorës, Artan Cuku. Vetëm një ditë më parë ai doli para gjykatës dhe iu dha masa “Arrest me burg”.
Prokurori Henrik Ligor kërkoi para trupit gjykues izolimin e tij në qelitë e paraburgimit deri në përfundim të hetimeve.
Prokurori tha se nga hetimi i deritanishëm dyshohet se vrasja e Cukut ka ndodhur për motive gjakmarrjeje dhe se Prokuroria shtriu hetimet paralelisht dhe në dy pista te tjera. Shallari u përfaqësua nga një mbrojtëse e caktuar kryesisht nga gjykata.
“Për momentin nuk kam asgjë për të shtuar. Do konsultohem me avokaten dhe do të flas në një moment tjetër”, tha Shallari, pak sekonda pasi mbrojtësja Edlira Naqellari kërkoi një masë më të butë sigurie për të. (J.V/Shuplaka)
Discussion about this post