Nëse ka një parti që do të tentojë të marrë vota nga e djathta do të jetë padyshim Fryma e Re Demokratike e Bamir Topit.
Pavarësisht se vetë kreu i saj nuk do të hyjë në zgjedhje kjo parti do të synojë të ketë mandatet e saj.
Ndërkohë që kreu i opozitës Basha qujati Bamir Topin si mercenarë të pushtetit, sekretari i përgjithshëm Gazmed Oketa është shprehur se ndjen keqardhje për Bashën.
I ftuar në studion e Report Tv, Oketa tha se Bsha është një figurë politike e rë , me përgjegjësi shumë të mëdha por që ka sjellë të njëjtat politika si ato të vjetrat.
“Unë për Bashën ndjejë keqardhje pasi një politikan i ri në moshë, ka një përgjegjësi shumë të madhe, dhe ka sjellë të njëjtat politika si ato të vjetrat. Kam dyshimet e mia në fakt se ka qenë ai që e ka sjellë opozitën në këtë situatë. Idetë shterojnë, dhe fjalët gjithashtu dhe tani tenton të kapet si i mbyturi pas fijes së kashtës”, tha Oketa.
Duke marrë shkas nga e kaluara, Oketa tha se historia ka treguar se ka pasur një zgjidhje në momentet e fundit, dhe nuk e ka përjashtuar një mundësi të tillë të ndodh edhe sot.
“Historia politike e Shqipërisë ka dëshmuar që gjithmonë në momentet e fundit mund të ketë një zgjidhje, të urojmë që këtë radhe do të ketë”, tha ai. (E.K/SHUPLAKA)
