Një aksident i rëndë ndodhi rreth orës 2 të mëngjesit të sotëm në afërsi të Dajçit në Shkodër, ku dy të rinj mbetën të vdekur. Viktimat janë identifikuar si Gentian Toma 32-vjeç dhe Robert Ejlli 25-vjeç. Ata kanë qenë duke udhëtuar me një mjet Benz të drejtuar nga Toma në momentin kur i kanë rënë nga pas një kamioni.
Goditja e dy mjeteve ka qenë mjaft e madhe, ku në videon e mëposhtme siguruar nga Faxweb.al shihet qartë sesi ka përfunduar mjeti tip Benz.
Sipas policisë mjeti tip “Benz” me targa AA 929 FF me drejtues shtetasin G.T. 32 vjeç, banues në Mabë – Lezhë, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç, banues në Lezhë.
Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 25 vjeç, banues në Mabë – Lezhë.
Grupi hetimor nën drejtimin e Prokurorisë së Rrethit Gjyqësor Lezhë, vazhdojnë hetimet për zbardhjen e plotë të shkaqeve të aksidentit.
(E.K/FAXWEB.AL)
https://www.youtube.com/watch?v=AhhE3wkrGTc&feature=youtu.be
Discussion about this post