Prokuroria e Tiranës ka lëshuar derimë tani 31 urdhër arreste, në drejtim të personave që dyshohet se kanë përgjegjësi për pasojat e tërmetit të 26 Nëntorit në Tiranë, ku u shënua dhe një viktimë në zonën e Kombinatit.
Mes personave që janë arrestuar dyshohet të jetë edhe një dentist, i cili ka kryer ndërhyrje në pallatin ku humbi jetën e reja Xhesika Biqiku, por identiteti i tij nuk bëhet i ditur. Ndërhyrje janë konstatuar dhe në pallate të tjera në zonën e Farkës, Kasharit apo Freskut, ndërsa në pranga janë vënë dhe ish-drejtues të këtyre komunave.
Xhesika Biqiku sapo kishte nisur ëndrrën e saj për t’u bërë arkitekte, ndërkohë që tullat e rëna nga pallati i saj në Kombinat, ku jetonte së bashku me familjen, i shkaktuan asaj vdekjen. Nga tërmeti u plagosën lehtë edhe dy prindërit e saj, si dhe motra.
Babai i saj ne nje rrefim mes lotesh tregoi per mediat: Tullat nisën të bien nga kati i pestë, ku të gjithë morën dëmtime, por Xhesikës i ra një tullë në kokë, duke i shkaktuar dëmtime të mëdha në tru. “Nëse nuk do të isha penguar teksa dilnim, Xhesika do të kishte shpëtuar”, tha babai i 20-vjeçares.
“Tullat zunë gruan të parën, pastaj çunin, pastaj Xhesin. Xhesi do të kishte shpëtuar, nëse unë nuk do të isha penguar. Unë u pengova aty dhe rashë nga tre metra larg. Aty tullat i kishin rënë gocës në kokë. Kur kthehem, i thërras gruas më tha nuk çohem më kanë rënë tullat, i them gocës tjetër, më kanë rënë tullat”, tha ai.
