Mesa duket tradita e dikurshme, ku gruaja mbante barrën dhe burri rrinte duarkryq, vazhdon akoma në Shqipëri. Madje jo shumë larg, por pikërisht afër shtëpisë së kryeministrit Edi Rama.
Portali “Jeta Osh Qef” ka publikuar një video që dëshmon vazhdimin e kësaj tradite.
Në videon e realizuar nga një djalë i ri, i cili rastësisht po kalonte me biçikletë pranë Surrelit, shikohet një grua që me shumë vështirësi shtyn karrocën, ndërsa burri i saj nuk e ndihmon aspak.
“Përshëndetje JetaOshQef. Isha duke bërë një tur me biçikletë dhe ja ç’më shohin sytë. Më vjen keq që në një fshat shumë afër Kryeqytetit ekziston akoma kjo traditë ku burrat rrinë duarkryq dhe gratë mbajnë barrën.”, shkruan i riu. (D.D/Shuplaka)
Discussion about this post