I riu përmetar që u gjend i vdekur në banesë, është rrahur barbarisht

Zbulohen detaje të reja për vdekjen e 24 -vjeçarit Endri Dhimitri, që u gjend i vdekur në banesën e tij në rrugën “Don Bosko”.

Sipas policisë, ai ka pasur hemoragji pasi dyshohet të jetë rrahur nga disa persona në një lokal në rrugën e Kavajës.

I riu është dërguar në spitalin e traumës dhe pas mjekimit është kthyer në banesë.

Nga veprimet paraprake të mjekëve ligjorë, dyshohet se i riu nga Përmeti ka ndërruar jetë për shkak të hemorragjisë në organet e brendshme.

Forcat policore kanë sekuestruar edhe kartelën klinike të qëndrimit të tij në spital, për të parë kujdesin që është treguar ndaj tij nga personeli mjekësor i spitalit të traumës.

Policia ka nisur hetimet me qëllim zbardhjen e shkaqeve të vdekjes së 24-vjeçarit, në mëngjesin e së enjtes.