Një i ri nga zona e Matit, akuzohet se ka qëlluar në ajër me pistoletë dhe i kërkuar para një 60- vjeçari.
Qytetari me iniciale R.Zh ka bërë denoncimin në polici, por kamerat e një lokali zbuluan se i riu kishte qëlluar në ajër me një pistoletë lodër me kapsolla.
Mësohet se qytetari ka qenë i ulur në një lulishte në qytetin e Burrelit, në momentin kur një djalë me një çantë shpine dhe me një pistoletë në dorë i është afruar dhe i ka kërkuar para. Por pasi ka qëlluar në ajër ai është larguar menjëherë nga vendngjarja pa i marrë asgjë 60-vjeçarit.
Pas denoncimit, policia ka nisur hetimet dhe nga kamerat e sigurisë së një lokali, ka rezultuar se i dyshuari është një djalë i ri nga e njëjta zone, por identiteti i tij nuk bëhet i ditur.
Po nga kqyrja e kamerave rezultoi se i riu nuk ka tentuar të detyrojë a ushtrojë dhunë e as ka patur kontakte fizike me qytetarin e lartpërmendur.
Policia dyshon se i riu mund të ketë qenë nën efektin e lëndëve narkotike. (D.D/Shuplaka)
