Kryetari i PD-së Basha menjëherë sapo është kthyer nga Gjermani dhe pas takimit në Rinas me Federica Mogherinin në një konferencë për mediat ka thënë se ai në Berlin kërkoi votën pro hapjes së negociatave.
Por Basha edhe pse e cilësoi vendimin si mjaft të rëndësishëm tha se ky vednim I hap rrugën Shqipërisë për të hyrë në oborrin e BE-së por derën e hapin vendet anëtare me votën e tyre.
“Rekomandimi është një hap i rëndësishëm, takimi në Rinas ishte për shkak se unë isha në Berlin për të zhvilluar bisedime intensive me partnerët tanë ku kërkova një votë pro për negociatat. Rekomandimi pozitiv është ftesa për tu futur në oborrin e BE-së por derën e hapin vendet anëetare të BE”, tha Basha.
Basha kujtoi se për Gjermaninë janë 7 kushtet për hapjen e negociatave dhe se në Gjermani ka një skepticizëm ndaj Shqipërisë.
Ai tha se në raportet e tyre figuron se Shqipëria ka një raport problemetik me krimin dhe korrupsioni, ndërsa në raport me reformën në drejtësi hapat janë të ngadaltë dhe prokuroria është kapur.
“Për hapjen e negociatave ka 5 kushte, Gjermania ka 5+ 2 shtatë të tilla. Pata një seri takimesh në Bundestag me anëtarë të partisë e CDU/CSU, ku kërkova hapjen e negociatave. Hasëm në skepticizëm. Pyetja e parë që mu bë është pse po e kërkojmë? Më thanë që banditët janë në arrati, por edhe figura të larta si Saimir Tahiri. Gjermania është e mirëinfomuar, i dinë të gjitha. Dinë që ai s’po arrestohet, ashtu si dy shefat e lartë të policisë që ia mbathën. Shqipëria renditet në 11 vendet më të korruptuara. Pavarësisht kësaj ne thamë se sa më shumë të vijojë integrimi, aq më shumë presion do ketë mbi qeverinë”- u shpreh Basha.
Kreu i PD-së tha se hapja e negociatave kërkohet nga opozita pasi nga ana e BE do të ketë vëmendje më të madhe ndaj padrejtësivë që u bëhen qytetarëve siç ishte arrestimi natën e kuksianëve.
Basha tha gjithashtu se ai si kryetar i PD-së është angazhuar në interes të shqiptarëve, por shtoi se Rama gënjeu kur tha se janë hapur negociatat pasi kemi të bëjmë vetëm me një rekomandim pozitiv. Gjithashtu Basha bëri thirrje që sicili të marrë përgjegjësitë e veta dhe deri në qershor të plotësohen kushtet që kërkohen.
Basha(B.H/Faxweb)
Discussion about this post