I sekuestruan 350 mish kg jashtë standarteve, vijon të ushtrojë aktivitetin përmes kontrabandës. Arrestohet 57-vjeçari në Korçë

Një 57-vjeçar i cili administronte një subjekt të tregtimit të mishit në Korçë, është arrestuar pasi iu gjetën  500 kg mish dhe produkte të tij në gjendje të ngrirë, me mbishkrime greke, sasi malli e cila dyshohet të jetë kontrabandë.

I arrestuari është Nazar Dvorani, 57 vjeç, banues në Korçë. Subjekti I tij ishte bllokuar më datën 01.08.2018 pasi gjatë kontrollit të ushtruar i është konstatuar një sasi prej 350 kg mish në gjendje të ngrirë, e cila ishte jashtë standarteve higjeno-sanitare.

Por si rezultat i kontrolleve dhe verifikimeve të kryera në lidhje me këtë rast, rezulton se ky subjekt ka vijuar të ushtrojë aktivitetin e tij, duke tjetërsuar sasinë e mallit të konstatuar gjatë kontrollit të datës 01.08.2018 dhe duke e zvendësuar atë me sasinë e mishit prej 500 kg të lartpërmendur, për të cilën ky shtetas nuk dispononte dokumentacionin përkatës.

Njoftimi i plotë:

Specialistët e Seksionit për krimin ekonomik-financiar, në Drejtorinë Vendore të Policisë Korçë, bënë arrestimin në flagrancë të shtetasit:

• Nazar Dvorani, 57 vjeç, banues në Korçë.

Arrestimi i tij u bë pasi, gjatë kontrollit të ushtruar në një subjekt të tregëtimit të mishit dhe produkteve të tij, që ky shtetas administronte, nga ana e seksionit për krimin ekonomik-financiar në bashkëpunim me AKU-Korçë, iu gjet dhe sekuestrua në cilësinë e provës materiale një sasi prej:

500 kg mish dhe produkte të tij në gjendje të ngrirë, me mbishkrime greke, sasi malli e cila dyshohet të jetë kontrabandë.

Theksojmë se në datën 01.08.2018,  ky subjekt tregtar është bllokuar nga ana e AKU-së, pasi gjatë kontrollit të ushtruar i është konstatuar një sasi prej 350 kg mish në gjendje të ngrirë, e cila ishte jashtë standarteve higjeno-sanitare.

Në vijim si rezultat i kontrolleve dhe verifikimeve të kryera në lidhje me këtë rast, rezulton se ky subjekt ka vijuar të ushtrojë aktivitetin e tij, duke tjetërsuar sasinë e mallit të konstatuar gjatë kontrollit të datës 01.08.2018 dhe duke e zvendësuar atë me sasinë e mishit prej 500 kg të lartpërmendur, për të cilën ky shtetas nuk dispononte dokumentacionin përkatës.

Materialet iu referuan Prokurorisë pranë Gjykatës së Shkallës së Parë Korçë për veprat penale  “Tregtimi dhe transportimi i mallrave që janë kontrabandë” dhe “Ruajtja ose depozitimi i mallrave kontrabandë”  parashikuar nga nenet 178 e 179 të Kodit Penal.