I shfrytëzoi të bijën për prostitucion por i kanos edhe nënën, arrestohet 35-vjeçari

Në prangat e policisë së Lezhës ka rënë një 35-vjeçar pasi  ka kanosur me anë të telefonit shtetasen me inicialet H.N.

Nga ana e seksionit kundër trafiqeve të paligjshme në Policinë e Lezhës u bë ndalimi i Altin Markut, pasi ka kanosur nëpërmjet telefonit H.N si dhe dyshohet se për qëllime përfitimi për prostitucion ka shfrytëzuar në Shqipëri dhe Itali të bijën e saj.

Arrestimi ti tij u bë pas kallëzimit të shtetases H.N. banuese në Lezhë. Materialet procedurale u referuan Prokurorisë së Rrethit Gjyqësor Lezhë për veprat penale “ Kanosja” “Përdorimi me keqdashje i thirrjeve telefonike” si dhe “ Shfrytëzimi i prostitucionit”. (J.V/Shuplaka)