Një mjet tip Benz është djegur totalisht, dhe një tjetër ka marrë dëmtime pjesërisht në lagjen numër 4 të qytetit të Durrësit, mëngjesin e sotmëm.
Mjeti është në pronësi të shtetasit Bedri Dervishi, i cili pretendon se ngjarja është e qëllimshme, për shkak të disa konflikteve të mëhershme që ka pasur.
Dervishi ka hedhur akuza në drejtim të në drejtim të IMT Durrës, Ardian Halili, me të cilin ka qenë në konflikt, dhe është akuzuar për kanosje në drejtim të tij.(Lexo ketu)
Dervishi ka në pronësi një agjensi në afërsi të daljes së portit të Durrësit, e cila rrezikonte ti shembej, dhe sipas tij kreu i IMT-së po zbatonte standard të dyfishta.
“Mendoj se ngjarja ka qenë e qëllimshme sepse kam pasur një konflikt me Ardian Halilin duke më vendosur gjoba prej 5 milion lekësh. Shtëpia ime është në proces padie, nuk duhet t’i afrohet askush. IMT ka tentuar ta prish, por banesa është në proces padie sepse pritet të legalizohet, këto janë të qëllimshme sepse inspektori më ka kërkuar lekë në dorë bashkë me sekserin e tij, unë e kam bërë kallëzimin.
Aty nuk ka asnjë ndërtim janë 24 banesa që priten të legalizohen, uroj që institucionet e shtetit të bëjnë punën e tyre. Dyshoj se bëhet për shkak të konfliktit, pasi ne jemi familje e ndershme ne shohim punën tonë i vetmi konflikt që kemi është ky i banesës”, u shreh në një lidhje për Fax News Dervishi.
Njoftimi i policisë për ngjarjen:
Më datë 03.04.2019, rreth orës 02:50, në lagjen Nr 4 ,Durrës , ka rënë zjarrë në automjetin në pronësi të shtetasit B.D.,50 vjeç, banues në lagjen nr 4 ,Durrës për pasojë është djegur pjesërisht dhe automjeti i shtetasit H.H., 64 vjeç , banues në lagjen Nr 4 Durrës , i cili ishte i parkuar në afërsi.
Grupi Hetimor ndodhet në vendngjarje dhe po punon për zbardhjen e plotë të ngjarjes.
(E.K/FAXWEB.AL)
Discussion about this post