Në prangat e policisë së Vlorës ka rënë një 21-vjeçar pasi ishte i shpallur në kërkim nga policia për tentativë për vrasje. Është arrestuar Skerdi Sina, 21 vjeç pasi Gjykata e Rrethit Gjyqësor Vlorë me Vendimin e datës 23.12.2016, ka caktuar masën “Arrest me burg”, për veprën penale “Vrasje e mbetur në tentativë”, parashikuar nga neni 76 dhe 22 i Kodit Penal.
DETAJE:
Ndalimi i tij u bë pasi Gjykata e Rrethit Gjyqësor Vlorë me Vendimin e datës 23.12.2016, ka caktuar masën “Arrest me burg”, për veprën penale “Vrasje e mbetur në tentativë”, parashikuar nga neni 76 dhe 22 i Kodit Penal.
Ky shtetas më datë 01.12.2016 në lagjen “Pavarësia” Vlorë, në bashkëpunim me shtetasin M.S., 22 vjeç, për motive të dobëta kanë tentuar të vrasin duke e gjuajtur me armë të ftohtë thikë, shtetasin K.A., 20 vjeç.
Shtetasi i ndaluar ju dorëzua D.V.P. Vlorë për veprime të mëtejshme. (J.V/Shuplaka)
