Një 50-vjeçar është arrestuar në hyrje të territorit shqiptar, pasi ky ishte i akuzuar për bahkëpunim në një vrasje.
Bëhet fjalë për Spiro xhollin nga Elbasani, i cili dyshohet se në bashkëpunim me David Myrte, kanë vrarë në fshatin Braçanj të rrethit Devoll një 39-vjeçar me iniciale Z.A, si dhe kanë plagosur një 42 vjeçar me iniciale M.B. Myrte është arrestuar që më datë 19 mars 2017, mirëpo Xholli është arrestuar vetëm një ditë më parë nga policia kufitare, në hyrje të territorit shqiptar.
Njoftimi i policisë:
Ndalohet në hyrje të Republikës së Shqipërisë, një tjetër bashkëautor i dyshuar i ngjarjes së ndodhur në datë 18 mars në fshatin Braçanj, Devoll, ku pas një konflikti për motive të dobëta, u vra një shtetas si edhe u plagos një tjetër.
Më datë 05.06.2017, në Stacionin e Policisë Kufitare të Kapshticës në hyrje të Republikës së Shqipërisë u bë kapja dhe ndalimi i shtetasit të shpallur në kërkim
Spiro Xholli, 50 vjeç, banues në Elbasan.
Ndalimi i tij u bë pasi Gjykata e Rrethit Gjyqësor Korçë, me vendim datë 22.05.2017, ka caktuar për këtë shtetas masën e sigurisë “Arrest me burg”, për veprën penale ”Vrasja me paramendim, e kryer në bashkëpunim” parashikuar nga nenet 78 e 25 të Kodit Penal.
Kjo në lidhje me ngjarjen e ndodhur më datë 18.03.2017 në fshatin Braçanj të rrethit Devoll.
Ky shtetas në bashkëpunim me shtetasin David Myrte (i arrestuar me datë 19.03.2017), pas një konflikti për motive të dobëta, dyshohet të kenë vrarë me paramendim shtetasin Z.A, 39 vjeç, banues në fshatin Vërdovë, Pogradec, si edhe kanë plagosur shtetasin M.B, 42 vjeç, banues në Nizhavec.
Veprimet proceduriale të rastit u kryhen nga Specialistët e Sektorit për Krimet e Rënda në Drejtorinë Vendore të Policisë Korçë. (D.D/Shuplaka)
