Një grua australiane ka marrë dëmtime në fytyrë pas shpërthimit të kufjes, që po përdorte teksa po flinte. Ajo po dremiste gjatë një fluturimi nga Pekini i Kinës drejt Melburnit të Australisë dhe u zgjua nga një zhurmë e shpërthimit.
Ngjarja ka ndodhur në 19 shkurt, gjatë një fluturimi nga Pekini në Melbourne. Shkak i incidentit kanë qenë bateritë në kufie, të cilat kanë marrë flakë.
Në pak momente në bordin e avionit ka shpërthyer paniku, kjo edhe për shkak të zjarrit. Kur e pa çfarë po ndodhte, gruaja e kuptoi që shpërthimi ishte shkaktuar nga djegia e kufjeve me të cilat ajo po dëgjonte muzikë gjatë fluturimit.
Sapo ka ndodhur shpërthimi gruaja ka hequr menjëherë kufjet nga veshi, të cilat i kanë shkaktuar edhe djegie. ‘Arrita ti hedh menjëherë në tokë kufjet, të cilat kishin marrë flakë’, sqaron gruaja.
Kufjet e saj kishin marrë flakë, kishin shkaktuar një eksplodim të vogël dhe kishin filluar të shkrihen nga temperatura e lartë.
Asnjë ulje emergjente. Fluturimi ka vazhduar pavarësisht se kabina ishte e mbushur me tym dhe erë plastike të djegur. Anëtarët e ekuipazhit reaguan duke e fikur zjarrin në aeroplan, por plastika dhe bateria e kufjeve tashmë ishin shkrirë dhe kishin mbetur në dysheme.
Gruaja pësoi lëndime në fytyrë dhe në duar.
“Gjatë pjesës së mbetur të fluturimit, pasagjerët tjerë duruan erën e plastikës së shkrirë e flokëve të djegur”, thuhet në raportin e autoriteteve.
Në raport nuk përmendej lloji apo marka e kufjeve, por shkaku i shpërthimit thuhet të ketë qenë bateria e litiumit.
Probleme me shpërthimet e pajisjeve teknologjike ka pasur edhe me telefonat e markës Samsung Galaxy Note 7. (M.D. Shuplaka)
