I shqyen derën dhe morën kompjuterat, kush është administratori televizionit lokal, punonjës në Ministrinë e Brendshme

Tv ‘Klaudiana’ në Peqin mësohet se ka rënë pre e grabitjes në orët e vona të natës. Persona ende të pa identifikuar thuhet se kanë hyrë në brendësi të televizionit lokal dhe kanë grabitur kompjuterat.

Vjedhja është konstatuar nga njëri prej punonjësve tē televizionit, i cili ka shkuar aty për të verifikuar shkakun e defektit të shkaktuar në sinjalin e transmetimit, ku ka gjetur derën kryesore të shqyer.

Policia nuk ka dhënë ende detaje rreth vjedhjes, ndërkohë që është bërë denoncim nga administratori i Tv ‘Klaudiana’ për vjedhjen.

Bëhet e ditur se grabitësit kanë vjedhur kompjutera dhe televizorë plazma. Policia ka nisur hetimet në lidhje me ngjarjen, ndërkohë ende nuk është vlerësuar dëmi ekonomik.

Televizioni ka më shumë se dy dekada që ushtron funksionin e tij. Administratori i televizionit është Gazmend Vogli dhe është punonjës pranë Ministrisë së Brendshme.