I shtruar në spital nga koronavirusi, por për deputetin Alimadhi vjen një tjetër lajm i keq

Deputeti Adriatik Alimadhi tashmë është konfirmuar si i prekur nga COVID-19 dhe prej ditësh po merr trajtim mjekësor në spitalin Infektiv të Tiranës.

Por krahas lajmit të rëndë të sëmundje së tij, deputeti është shkakruar edhe si kryetar i grupit parlamentar të “Partive të Djathta”.

Grupimi i deputetëve ka ndryshuar emrin duke e quajtur “Demokraci dhe Drejtësi” dhe në krye është vendosur deputeti Edmond Stojku.

Në përbërje të grupit të ri janë edhe ish-deputet të ish-grupit parlamentar të Adriatik Alimadhit, si Koçi Tahiri, Ramazan Gjuzi, Ervis Meço, Kostaq Papa etj.

Deputeti Stojku e nisi punën e tij si kryesues grupi ditën e premte ku ishte i pranishëm edhe në mbledhjen e Konferencës së Kryetarëve.