I shumëkërkuar në Belgjikë, arrestohet në Kukës 31-vjeçari (Akuzat + Emri)

Arrestohet një  tjetër shtetas kosovar, i shpallur në kërkim ndërkombëtar për veprën penale  “Pjesëmarrje në grup kriminal me qëllim trafikimin e lëndëve narkotike”.

Arrestimi provizor u bë me qëllim ekstradimin e tij, në shtetin e Belgjikës.

Shërbimet e Stacionit të  Policisë Kufitare në Morinë në hyrje bënë ndalimin e shtetasit kosovar të shpallur në kërkim ndërkombëtar, konkretisht:

– Valdrin Nikqi, 31 vjeç, banues në fshatin Nebergjan, Kosovë.

Gjatë  përpunimit të dokumentacionit, ky shtetas rezultoi person në  kërkim ndërkombëtar nga Interpol Belgjikë.

Gjykata e Shkallës së Parë Bruges-Belgjikë, më datë 25.11.2016, e  ka dënuar 2 vite e 6 muaj burg për veprën penale “Pjesëmarrje në grup kriminal me qëllim trafikimin e lëndëve narkotike”, parashikuar nga Kodi Penal Belg.

Në përfundim të veprimeve  hetimore    Specialistët e Sektorit për Hetimin e Krimeve në DVP Kukës, bënë arrestimin provizor të tij, me qëllim ekstradimin në  shtetin Belg, si dhe referuan  materialet për veprime të mëtejshme Prokurorisë pranë Gjykatës së Shkallës së Parë Kukës.

(E.K/FAXWEB .AL)