I siguroi informacione inteligjencës kineze në shkëmbim të 25 mijë dollarëve, 20 vjet burg ish-zyrtarit të C.I.A.

Një ish-agjent i CIA-s i dënuar me 20 vjet burg, pas akuzave për spiunazh.

Sipas prestigjozes “New York Times” 62-vjeçari Kevin Patrick Mallory u rekrutua nga shërbimet informative kineze duke dhënë informacione që lidhen me sigurinë kombëtare, një agjenti të Kinës në shkëmbim të 25 mijë dollarëve.

Vendimi për Mallory u dha të premten, ndërkohë që ndihmës Prokurori i Përgjithshëm John Demers u shpreh se: “ky përfaqëson një rast në një prirje alarmuese kur Kina piketon një ish-oficer të zbulimit amerikan që të tradhtojë vendin dhe kolegët e tij”, siç tha ai.

Për të vërtetuar akuzat ndaj ish-agjentit të CIA-s, në gjyq u paraqitën dëshmitarë si dhe pamje filmike të kamerave mbikëqyrëse, nga një dyqan i kompanisë postare FedEx në Leesburg të Virxhinias. Ai shihej duke skanuar dokumente sekrete.

Mallory  duke përfituar se ishte një ish-agjentë, ishte i pajisur me një certifikatë e cila i lejonte atij që të kishte akses në dokumente sekrete si dhe kishte punuar me disa agjenci qeveritare e kompani të ndryshme.