I urinuan në kokë dhe e dhunuan pasi u kishte ngacmuar motrën në “Facebook”, dy vëllezërit dënohen nga gjykata me…

Gjykata e Tiranës ka caktuar së fundmi masën e burgimit për dy vëllezër të akuzuar për një ngjarje tronditëse shënuar rreth një vit më parë.

Ata akuzohen se në prill të vitit të kaluar kanë dhunuar dhe urinuar mbi një 20-vjeçar në Tiranë, i cili u kishte ngacmuar motrën në “Facebook”. Veprimi në atë kohë u regjistrua në video përmes një telefoni dhe më pas u publikua në “JOQ”.

Ata u shpallën fajtorë për akuzën e “heqjes së paligjshme të lirisë”, ku Dashamir N. u dënua me 3 vjet e 4 muaj burg, ndërsa Resmi N. me 2 vjet burg. Për njërin prej vëllezërve, Remsi N. jykata vendosi pezullimin e ekzekutimit të dënimit me burg, duke e lënë në liri me kusht për një periudhë 3- vjeçare. 

Kërcënimi

Më 5 prill 2016, rreth orës 10:00, shtetasi Dashamir N. e ka telefonuar sërish kallëzuesin, duke i kërkuar të takoheshin për t’u sqaruar. Si pikë takimi kanë lënë fillimisht vendin e quajtur “Mullet”. Pasi kanë shkuar atje, A. C. ka takuar një kushëri të tij, i cili i ka thënë se do të takoheshin me Dashamirin në Sauk. Kur kanë shkuar aty, ata janë takuar me një tjetër të afërm të tij, i cili i ka thënë se Dashamiri i priste në Tiranë. Pasi kanë mbërritur në Tiranë, në një bar “A…”, janë njoftuar nga Dashamir N. se ai po i priste për t’u takuar te “Kthesa e Kamzës”. Kallëzuesi ka hezituar ta takonte, por G. i ka thënë se nuk do të ndodhte gjë, pasi Dashamirin e kishte shok dhe se thjesht do të sqaroheshin.

(XH.A/SHUPLAKA)